Мадриднинг “Реал” клуби ярим ҳимоячиси Жуд Беллингем Испания чемпионатининг 32-туридан ўрин олган учрашувнинг 91-дақиқасида “Барселона” дарвозасига ғалаба голини киритди.
Шу тариқа 20 ёшли англиялик футболчи Руд ван Нистелройдан кейин Ла Лигада кетма-кет гол урган илк “Реал Мадрид” футболчисига айланди. "Барселона"га қарши ўтган ўйинда Жуд дубль қайд этганди ва 92-дақиқада ғалаба голини ҳам киритди.
Беллингем "Эл-Класико"да урган голлари сони бўйича "Реал"нинг собиқ футболчиси ва бош мураббийи Зинедин Зидан билан тенглашди - энди иккаласида ҳам 3тадан гол бор. Зидан "Барселона"га қарши 11 ўйин ўтказган, Беллингем - 3 та.
Жорий мавсумда Жуд 36 та ўйин ўтказиб, 21 та гол урди ва 10 та голли узатмани амалга оширди.
