"Челси" бош мураббийи Маурисио Почеттино танқид қилинаётган Николас Жексонни қўллаб-қувватлашга ҳаракат қилмоқда. Аргентиналик мутахассис клуб тарихидаги турли даврларни ажратиб, Жексонни Дидье Дрогба билан солиштирмасликка чақирди.
“Агар сиз Жексонни Дрогба билан солиштирсангиз, ҳа, у доим ютқазади. Лекин биз клуб тарихини Жексоннинг ўйинидан ажратишимиз керак. Мен уни гол ура олмаган ўша дақиқаларда ҳам тўлиқ қўллаб-қувватлайман", деди Почеттино душанба куни бўлиб ўтган матбуот анжуманида журналистларга.
"Челси" Англия чемпионати доирасидаги навбатдаги ўйинини 23 апрель, сешанба куни "Арсенал"га қарши рақиб майдонида ўтказади.
