"Челси" бош мураббийи Маурисио Почеттинонинг фикрича, унинг жамоаси Коул Палмерсиз ҳам ғалаба қозонишга қодир. "Пенсионерлар" етакчиси касал, шунинг учун у "Арсенал"га қарши сешанба кунги дербини ўтказиб юбориши мумкин.
“Палмер билан ёки у бўлмасдан, биз ғалаба қозонишимизга ишонамиз. Энг муҳими жамоадир. Албатта, Коул жамоанинг муҳим қисми ва у фантастик ўйнамоқда, аммо бу "Челси". Бу ерда ўйин кўрсата оладиган ва ўз вазифасини бажара оладиган кўплаб футболчилар бор”, — деди Почеттино матбуот анжуманида.
"Арсенал"га қарши сафардаги Премьер-лига учрашуви 23 апрель куни Тошкент вақти билан соат 00:00да бошланади.
