Италия минтақавий чемпионатида “Валдадиже” клубида тўп тепаётган Алессандро Пиги 2014-йилда бахтсиз ҳодиса оқибатида 18 минг вольтли симларга тасодифан тегиб кетгани сабабли қўлидан айрилган эди.
Шифокорлар унинг қўлини ампутация қилишга мажбур бўлишди. Клуб раҳбарияти унга ҳурмат-эҳтиром кўрсатиб, у билан шартномани бузмади.
Ҳеч ким Пигини дарвозага қўймоқчи эмас эди, лекин у барча ўйинларда жамоа билан бирга борган. Шундай қилиб, у клуб дарвозабонларидан бири жароҳат олганида жамоасига ёрдам берди.
"Ветте" билан ўйин тугашига бир неча дақиқа қолганида Пиги майдондан четлатилган жамоадоши ўрнини эгаллади.
Ўша пайтга келиб таблодаги ҳисоб нолга тенг эди ва вазифа уни шундай сақлаб қолиш эди. Пиги нафақат буни бажара олди, балки хавфли жарима зарбасини ҳам бир қўли билан бартараф этди.
