Суперкомпьютер Испания Примьеросининг учта асосий аутсайдери "Кадис", "Гранада" ва "Альмерия"нинг қуйи лигага тушиб кетиш эҳтимоли ҳақида тахмин билдирди.
Демак, охирги, 20-ўрин учун асосий номзод "Альмерия" - 79% эҳтимол билан. "Гранада"нинг 19-ўринни эгаллаш имконияти кўпроқ - 77%.
Шунингдек, "Кадис"нинг 18-ўриндан юқорига кўтарилиши даргумон деб ҳисобланмоқда - бу натижа учун 89% берилди.
Эслатиб ўтамиз, айни дамда “Кадис” 25 очко билан 18-ўринда, “Гранада” 18 очко билан 19-ўринда, “Альмерия” 14 очко билан 20-ўринда жойлашган.
Мавсум тугашига олти тур бор, 17-ўриндаги жамоа “Сельта” ҳисобида 31 очко бор.
