"Челси"нинг собиқ футболчиси Жон Терри Премьер-лигадаги фаолиятига энг катта таъсир кўрсатганлар номини айтди.
"Раҳмат айтишим керак бўлган бир нечта одамларим бор. Аввало, Жанлука Виалли менга жуда ёшлигимда асосий жамоанинг бир қисми бўлишимга ишонгани учун. У менга клубда дебют қилиш имкониятини берди. Мени сардор қилган Клаудио Ранерьини ҳам айтиб ўтаман. Ва бу рўйхатнинг бошида Жозе Моуриньо бўлиши керак. Ўйлайманки, мураббий сифатида унга бўлган муносабатимни ҳамма билади. Лекин у инсон сифатида ҳам фантастик эди. У худди отам ва онам каби менга ишонди. Бу кучли эди" - деди Терри Премьер-лига матбуот хизматига берган интервьюсида.
