БАА терма жамоаси аъзоси Рашид аз-Заабий Ўзбекистон терма жамоаси билан бўладиган ўйиндан аввал ўз фикрларини билдириб Ўтди.
«Мен ушбу ўйинга мухлисларнинг стадионни тўлдириб ўтиришларини ва бизни қўллаб-қувватлашларини сўраган бўлардим», дейди 22 ёшли футболчи.
«Биз Ўзбекистон терма жамоаси аъзолари билан терма жамоадан ташқари, клубларда ҳам рақиб сифатида ўйинларда майдонга тушяпмиз. Бизнинг гуруҳдан БАА ва Ўзбекистон терма жамоаси финал босқичга чиқишга ҳақли. Мураббийимиз нима қилишни ва футболчиларнинг даражасини жуда яхши билади. Бу биз ғалаба қозониб гуруҳ пешқадамига айланишимиз ва финал босқичи сари эшиклар очадиган ўйин».
«Уйда ўйнаётганимиз бизга қулайлик яратади ва биз Ўзбекистон терма жамоасига қарши ҳоҳ уйда бзладими ёки меҳмонда фаворит ҳисобланамиз. Биз буни Лондон Олимпиадасига саралаш баҳсларида Ўзбекистон термасига қарши ўйинда ғалаба қозониб Олимпиадада иштирок этиш орқали исботлаганмиз» , дея Аз-Заабийнинг сўзларидан иқтибос келтирмоқда UAEFA.ае интернет нашри.
