"Рома" бош мураббийи Даниэле де Росси жамоасининг "Болонья" билан ўйиндаги муваффақиятсизлиги (1:3) ҳақида фикр билдирди. Римликлар А Сериянинг кучли тўртлигига яқинлашиш имкониятига эга эди, бироқ ўз майдонида бевосита рақибига имкониятни бой берди.
"Бугун биз одатдагидан ёмонроқ кўриндик, аммо буни кўп жиҳатдан ажойиб ўйин кўрсатаётган "Болонья" билан боғлаш мумкин. Тиаго Моттани табриклаймиз, унинг жамоаси ғалабага тўлиқ ҳақли эди. Футболчиларимга эътирозим йўқ, уларга фақат раҳмат айтишим мумкин", - дея де Россининг сўзларини келтиради журналист Николо Шкира.
