"Бавария" бош мураббийи Томас Тухель фаолиятини давом эттириш учун устувор йўналиш ҳақида қарор қабул қилди.

ESPN журналистларига маълум бўлишича, немис мутахассиси "кўк-анорранглилар"нинг молиявий муаммолари туфайли "Барселона" вариантидан бош тортади. Тухель Англия Премьер-лигасига қайтишни режалаштирмоқда. Мутахассисга яна бир топ-клуб "Манчестер Юнайтед" қизиқиш билдирмоқда.

Аввалроқ, Томас жорий мавсум якунида "Бавария" бош мураббийи лавозимини тарк этиши маълум бўлганди. Унинг раҳбарлигида жамоа Бундеслигада чемпионлик пойгасида мағлуб бўлди, аммо Чемпионлар лигасининг ярим финалига чиқди.