"Бавария"нинг собиқ бош мураббийи Ханс-Дитер Флик "Барселона"да ишлашни интиқлик билан кутмоқда. Немис мураббийи мавсум якунида жамоани тарк этиши мумкин бўлган Хави Эрнандеснинг потенциал ўринбосарлари рўйхатидан жой олгани ҳақида аввалроқ хабар берилганди.
Флик Каталония гранди раҳбариятидан ўз позициясини аниқ белгилашини истамоқда. Мураббий келгуси йилларда келажакни режалаштиришни бошламоқчи.
Бироқ, "Барселона" мутахассисни устувор вариант деб ҳисобламай, унга кафолат беришга шошилмаяпти. 59 ёшли мураббийнинг сўнгги иш жойи Германия терма жамоаси бўлиб, у 2021 йилдан 2023 йилгача мураббийлик қилган.
