Супер оғир вазн тоифасида WBА Супер, ИBF, WBО ва IBО камарлари соҳиби Олександр Усик ва WBC чемпиони Тайсон Фюри мутлақ жаҳон чемпионлиги май ойида бўлиб ўтади.

Агарда Фюри ушбу жангдан бош тортса, 10 миллион фунт жаримага тортилади. Бу ҳақида Усикнинг менежери Алесаксандр Красюк маълум қилди.

“Агар Тайсон жангда иштирок этмаса, 10 миллион фунт жарима тўлайди. Бу жанг бешинчи марта бекор бўлмаслиги учун шартномада белгиланган.

Фюри спаррингларда дубулға билан иштирок этяпти деб умид қиламиз. Ўтган сафаргидек жароҳат олмасин”, — дейди Красюк.

Усик ва Фюри ўртасидаги жанг 17 февраль санасида бўлиб ўтиши лозим эди. Бироқ Тайсон спарринг вақтида қошидан олган жароҳат туфайли жанг санаси ўзгарганди. Энди жанг санаси 18 майга ўзгартирилган.

Эслатиб ўтамиз, 2023 йилнинг 28 октябрь куни Тайсон Фюри ва Френцис Нганну Ар-Риёдда рингга кўтарилганди. Якунда Фюри ҳакамларнинг қарорига кўра (94-95, 96-93, 95-94) ғалаба қозонди.

Олександр Усик сўнгги жангини ўтган йилнинг август ойида Даниэль Дюбуага қарши ўтказиб, 9-раундда техник нокаут эвазига ғалаба қозонганди.