"Штутгарт" марказий ҳужумчиси Денис Ундав немис клубида доимий равишда қолиши мумкин бўлган иккита шарт маълум бўлди.
Эслатиб ўтамиз, асли туркиялик немисни "Брайтон"дан "Штутгарт" ижарага олган. Биринчи шарт - "Штутгарт"нинг кейинги мавсумда Чемпионлар лигасига кириши, деб ёзади Sky Germany.
Нуфузли турнирда иштирок этганидан сўнг клуб оладиган пул футболчининг трансферини тўлашга ёрдам беради (тахминан 20 миллион евро).
Иккинчидан, "Штутгарт"да Ундав энг кўп маош олувчи футболчилардан бирига айланиши ва йилига 5 миллион евро ишлаб олиши керак.
