"Манчестер Юнайтед" марказий ҳимоячи Рафаэль Варанга ўринбосар қидирмоқда.
30 ёшли футболчи жорий мавсум якунланганидан кейин клубни тарк этиши мумкин. Журналист Стив Бейтснинг ёзишича, “Манчестер Юнайтед” фаол равишда франциялик футболчига тўғридан-тўғри ўринбосар бўладиган марказий ҳимоячи қидирмоқда.
Рафаэль Вараннинг “қизил иблислар” билан шартномаси шу йилнинг июнига қадар тузилган, бироқ у автоматик тарзда бир мавсумга узайтирилишини назарда тутади. 2021 йилда манкунианликлар футболчини "Реал"дан 40 миллион еврога сотиб олишганди.
