"Барселона" президенти Жоан Лапорта Хави Эрнандеснинг "Барселона"даги келажагига ишончи комил эмас.

Яқинда тарқалган маълумотларга кўра, "кўк-анорранглилар" бош мураббийи жамоани тарк этиш ва яна бир мавсум қолиш ҳақидаги қарорини қайта кўриб чиқишга тайёр. RAC1 маълумотларига кўра, "Барселона" Хави билан ҳамкорликни давом эттириш масаласида якдил фикрга эга эмас - ҳатто мураббийнинг асосий тарафдорларидан бири ҳисобланган Лапортада ҳам шубҳа бор. Агар амалдаги бошқарувчи якунда ўз лавозимини сақлаб қолса, клуб мураббийлар штабини кучайтирмоқчи.

Хави Эрнандеснинг "Барселона" билан шартномаси 2025 йилнинг ўрталарига қадар амал қилади. Испаниялик собиқ футболчи жорий мавсум охирида жамоани тарк этишини январь ойида эълон қилган эди.