"Челси"нинг ҳужумкор ярим ҳимоячиси Коул Палмер касаллиги туфайли сешанба куни "Арсенал"га қарши ўйнай олмади. Бундай муҳим ўйинчисиз "аристократлар" дербида "Арсенал"га йирик 0:5 ҳисобида имкониятни бой бериб қўйди. Ўйиндан сўнг "Челси" бош мураббийи Маурисио Почеттинодан Палмер қачон сафга қайтиши ҳақида сўрашди.
“Билмаймиз, эртага унинг аҳволига баҳо берамиз. Келинг, қандай таркибга эга эканлигимизни кўриб чиқайлик. Вазият билан шуғулланишимиз керак", - деди Почеттино.
“Челси” АПЛ доирасидаги навбатдаги ўйинини 27 апрель, шанба куни меҳмонда “Астон Вилла”га қарши ўтказади.
