Лондоннинг “Арсенал” клуби ҳимоячиси Бен Уайт Англия чемпионатининг 29-тури қолдирилган ўйинда “Челси” устидан қозонилган йирик ғалаба ҳақида гапирди. “Канонирлар” рақибларини 5:0 ҳисобида мағлуб этишди.
“Ҳамма “Арсенал” гол уриши мумкинлигини билади. Мен голни идеал вақтда урдим. Хаверц? Кай ажойиб ўйин кўрсатди. У трансфер қилинганидан бери ажойиб футбол кўрсатмоқда. У билан ўйнамагунингизча, Кай қанчалик зўр эканини тушунолмайсиз”, деди Уайт.
Кечаги муваффақиятдан сўнг Микель Артета шогирдлари 77 очко жамғариб, Англия чемпионати турнир жадвалида пешқадамлик қилишмоқда. "Канонирлар"нинг навбатдаги ўйини "Тоттенхэм"га қарши бўлади.
