“Аталанта” клуби ярим ҳимоячиси Алексей Миранчук фаолиятини Италиянинг бошқа клубида давом эттириши мумкин. Бу ҳақда Calciomercato журналистлари хабар бермоқда.
Манбанинг хабарига кўра, ярим ҳимоячини ўз сафига қўшиб олиаҳсга "Фиорентина" ва "Торино" клублари қизиқмоқда. Алексейнинг ҳозирги бозор қиймати тўққиз миллион еврога баҳоланмоқда.
Италия чемпионатининг жорий мавсумида 28 ёшли ярим ҳимоячи Бергама жамоаси сафида 21 та ўйин ўтказиб, 3 та гол ва 4 та голли узатмани амалга оширди. Миранчук ва "Аталанта" ўртасидаги амалдаги меҳнат шартномаси муддати 2025 йил июн ойи охиригача ҳисобланади.
