"Манчестер Сити" ярим ҳимоячиси Бернарду Силва ёзда "Барселона" клубига ўтиш учун маошини камайтириши мумкин. Mundo Deportivo хабарига кўра, испанлар кейинги трансфер ойнасида келишувни якунлай олишларига ишонишмоқда.
Аввалроқ Силванинг шартномасида товон пули 60 миллион евро қилиб белгилангани, аммо "Манчестер Сити" чегирма қилиши мумкинлиги ҳақида хабар берилганди. Бернардунинг ўзи "Барселона"га ўтишни жуда хоҳлайди.
Силва Англия Премьер-лигасининг жорий мавсумида 6 та гол урди ва 4 та голли узатмани амалга оширди. Ярим ҳимоячи мавсум охирида олтинчи марта Премьер-лига чемпионлигини қўлга киритиши мумкин.