Каталониянинг "Барселона" клуби вице-президенти Рафа Юсте яқинда Испания чемпионати доирасида "Реал"га қарши ўйинда ҳакамлар ишидан норозилигини билдирди. Учрашув “кўк-анорранглилар”нинг 2:3 ҳисобидаги мағлубияти билан якунланди.
“Мен ўша вазиятлардан жуда ғазабланганман. Мен бу борадаги барча материалларни тегишли органларга юбораман. Биз тенг шартлар асосида мусобақалашмаймиз", - деди клуб раҳбари.
Испания чемпионатининг 32-туридан кейин “Барселона” 70 очко билан турнир жадвалида иккинчи ўринда бормоқда. "Реал Мадрид"га келсак, "қироллик клуби" "кўк-анорранглилар"дан 11 очко олдинда.
