U-23 Осиё кубоги чорак финал ўйини олдидан Олимпия терма жамоаси бош мураббийи Тимур Кападзе матбуот анжуманида иштирок этди
"Ушбу босқичга етиб келганимиздан хурсандмиз. Эртага бизни муҳим ўйин кутиб турибди ва биз ўйинга тайёрмиз".
Рақиб ҳақида:
Албатта рақибимиз ўзига яраша кучли жамоа. Бу жамоа билан кўп ўйнаганмиз. Жамоа ва унинг мураббийи имкониятлари ҳақида биламиз. Бироқ биз ҳам ўз стратегиямиз ва режамиз бўйича ҳаракатланамиз.
2 йил аввалги Саудия Арабистони ҳақида:
2 йил ичида ҳар иккала жамоа ҳам ўзгарди, деб ўйлайман. ўз ўрнида биз ҳам ўсишга эриша олдик, тажриба тўпладик. Эртага ўз режамиз асосида ҳаракатланиб, гʻалаба қозонмоқчимиз.
Легионерларнинг мослашуви ҳақида:
Улар таркибимизга етиб келганидан хурсандмиз. Легионерларимиз бизга қўшимча куч беришди. Аллақачон мослашиб улгиришди. Улар ҳатто ўтган учрашувда ҳам майдонга тушишди. Эртага эса, кўрамиз, ким тайёр бўлса, ўша майдонга тушади" - деди Кападзе.
