Энцо Фернандес чурра операцияси туфайли Премьер-лиганинг қолган мавсумини ўтказиб юборади.
Хабар қилинишича, ярим ҳимоячи бир ойдан бери муаммодан азият чекмоқда. “Челси”нинг тиббиёт ходимлари дастлаб муаммони ноинвазив усул билан ҳал қилишга ҳаракат қилишди, бироқ Аргентина терма жамоаси шифокорлари билан маслаҳатлашилганидан сўнг Фернандесга жарроҳлик амалиёти зарурлиги маълум бўлди.
Футболчининг тикланиши учун тахминан уч ҳафта керак бўлади. У 20 июнь куни АҚШда бошланадиган Америка Кубоги учун Аргентина терма жамоаси сафига қўшилишга тайёр бўлиши кутилмоқда.
Шу тариқа, Фернандес «Челси»нинг АПЛда қолган олтита ўйинида иштирок эта олмайди. Лондонликлар “Астон Вилла”, “Тоттенхэм”, “Вест Хэм”, “Ноттингем Форрест”, “Брайтон” ва “Борнмут”га қарши баҳс олиб боради.