"Реал Мадрид" бош мураббийи Карло Анчелотти "Барселона" устози Хави Эрнандеснинг ўз лавозимида қолиш ҳақидаги қарорига изоҳ берди.
Эслатиб ўтамиз, "кўк-анорранглилар" устози мавсум якунида фаолиятини якунлашини январь ойи охирида эълон қилганди, бироқ раҳбарият мураббийни камида яна бир мавсум қолишга кўндира олганди.
"Хави "Барселона"да яхши иш қилди ва у клубни яхши билади. Нега у фикрини ўзгартирди? Биз буни ҳурмат қилишимиз керак.
Фаолиятим давомида буни кўп марта қилганман. Бу қонуний ва тақиқланмаган", - деди Анчелотти Испания чемпионатида “Реал Сосьедад” билан ўйин олдидан ўтказилган матбуот анжуманида.
