"Рома" бош мураббийи Даниэле де Россининг фикрича, "бўрилар" Жозе Моуриньо қўл остида ҳам шундай натижаларга эриша оларди.
"Бу мен ва Моуриньо ўртасидаги рақобат эмас. Шубҳасиз, биз яхши ишлаяпмиз ва мен биринчи келганимда хаёлимизга ҳам келтирмаган нарса учун курашмоқдамиз. Йигитлар ақл бовар қилмайдиган ишни қилишяпти, лекин ўйлайманки, улар буни Моуриньо қўл остида ҳам бажаришлари мумкин эди, чунки ҳамма нарса биринчи навбатда уларга боғлиқ. Менимча, улар буни менсиз ҳам қилган бўларди", - дея де Россининг сўзларини келтиради журналист Альфредо Педулла.
