"Ньюкасл" ярим ҳимоячиси Бруно Гимарайнш Европанинг кўплаб топ клубларининг радарида бўлиб турибди.
26 ёшли бразилияликнинг амалдаги шартномасида 100 миллион фунт (тахминан 117 миллион евро) эвазига сотиб олиш варианти мавжуд.
Бироқ, ушбу параметр фақат май ойининг охирги ҳафтасидан июнь ойининг охирги ҳафтасигача фаоллаштирилиши мумкин.
Бу ҳақда нуфузли инсайдер Фабрицио Романо ижтимоий тармоқларда хабар берди. Агар бу ой давомида Гимарайншни сотиб олиш шарти фаоллаштирилмаса, ҳар қандай потенциал харидор "Ньюкасл" билан трансфер суммаси бўйича музокара олиб боришига тўғри келади.
