"Байер" спорт директори Саймон Рольфеснинг айтишича, клуб жамоанинг марказий ҳимоячиси Жонатан Та билан шартномани узайтириш борасида музокара олиб бормоқда.
"Биз Тани жамоада сақлаб қолмоқчимиз ва унинг шартномасини 2025 йилгача узайтирмоқчимиз. Футболчи билан мазмунли суҳбат жорий мавсум охирида бўлиб ўтади", - дея Рольфеснинг сўзларини келтиради инсайдер Фабрицио Романо. Рольфес, шунингдек, футболчининг ўзи "Байер"да қолишни режалаштираётганини қўшимча қилди.
У билан амалдаги келишув 2025 йилнинг 30 июнида якунига етади.
2023/2024 йилги мавсумда Та 40 та ўйинда 6 та гол урди ва битта голли узатмани амалга оширди.
