"Болонья" сафида Италия чемпионатида тўп тепаётган марказий ҳимоячи Жон Лукуми Испанияга кўчиб ўтиши мумкин. Todofichajes журналистларининг хабарига кўра, колумбиялик футболчининг трансферига "Атлетико Мадрид" қизиқмоқда.

Потенциал трансфер суммаси 11 миллион еврога баҳоланмоқда. Лукуми "Болонья"да 2022-йилнинг ёзидан буён ўйнамоқда ва унинг Италия клуби билан шартномаси 2025/2026 йилги мавсум охиригача амал қилади.

Италия чемпионатининг жорий мавсумида Жон 24 та учрашувда қатнашди. Аввалроқ футболчига "Ливерпуль" асосий даъвогар эканлигини айтилган эди.