“Женоа” ҳужумчиси Альберт Гудмундссон учта топ-клубнинг радарида. Журналист Бен Жейкобснинг хабарига кўра, исландиялик футболчининг трансферига А Сериянинг икки жамоаси ва Англия Премьер-лигасининг бир клуби қизиқиш билдирмоқда.
Италияда футболчига "Ювентус" ва "Интер" клублари, Англиядан эса "Тоттенхэм" қизиқиш билдирмоқда. 26 ёшли исландиялик футболчининг нархи 40 миллион евро эканлиги айтилган.
Италия А Сериясининг ушбу мавсумида Гудмундссон 13 та гол ва 3 та голли узатмани амалга оширди. Манбанинг хабар беришича, футболчининг ўзи фаолиятини Премьер-лигада давом эттирмоқчи.
