"Брайтон" бош мураббийи Роберто де Дзерби ушбу мавсумда жамоада ижара асосида ўйнаётган "Барселона" ҳужумчиси Ансу Фати келажаги ҳақида гапирди.
Испаниялик футболчи кечаги “Манчестер Сити” билан ўйинда захира футболчиси бўлиб қолди.
"Фати - жуда ажойиб истеъдод. Кейинги мавсум? Билмайман. Мен Тони Блум ("Брайтон" эгаси), спорт директори ва скаутлар билан гаплашишим керак. Кейин Ансу билан гаплашаман", - деди Де Дзерби ўйиндан кейинги матбуот анжуманида.
Аввалроқ "Брайтон" Фатини доимий равишда сотиб олмоқчи эмаслиги хабар қилинганди. "Барселона" эса футболчини сотмоқчи.
