"Женоа" жамоаси бош мураббийи Альберто Джилардинога янги шартнома таклиф қилди.

Италиялик мутахассис 2022 йилдан буён жамоани элит дивизионга олиб чиқишга муваффақ бўлди ва айни дамда турнир жадвалида 12-ўринни эгаллашига ёрдам бермоқда.

Журналист Николо Скиранинг хабарига кўра, "Женоа" Джилардинога йилига 850 минг евро маош билан 2026 йилгача шартнома таклиф қилган. Мураббий ўйлашга вақт сўради. Унга Италия А Сериясининг яна учта клубидан таклиф бор.

Эслатиб ўтамиз, Джилардино аввалроқ "Женоа"да футболчи сифатида ўйнаган. 2006 йилда Италия терма жамоасининг собиқ ҳужумчиси жаҳон чемпиони бўлди ва бироз вақт ўтиб "Милан" таркибида Чемпионлар лигасида ғолиб чиқди.