Хабарингиз бор, Қатар яшил майдонларида ўтказилаётган U-23 Осиё кубогида 4 нафар ҳакамимиз иштирок этмоқда.
Мусобақа илк чорак финал баҳслари расмийлари эълон қилинди. Ушбу босқичдан ўрин олган Ироқ — Вьетнам учрашуви расмийлари қаторида вакилимиз — Фирдавс Норсафаровнинг ҳам борлигини эътироф этиш лозим. Ушбу учрашувда Норсафаров ВАР ҳакамлари сафидан ўрин олган.
"Мазкур баҳс Тошкент вақти билан 26 апрель куни соат 22:30 да старт олади. Вакилимизга ушбу учрашувда омад тилаймиз!" - дейилади Ўзбекистон футбол ҳакамлари марказининг расмий баёнотида.
