Испаниянинг Relevo нашри украиналик дарвозабон Андрей Луниннинг "Зарья Луганск"дан "Реал"га ўтиши тафсилотлари ҳақида хабар тарқатди. Трансфер 2018 йилнинг ёзида амалга оширилган.
Қайд этилишича, Лунинга "Қироллик клуби"дан ташқари яна бир қанча клублар – “Реал Сосьедад”, "Зальцбург", "Ливерпуль" ва Италиянинг "Наполи" клублари даъвогарлик қилганди.
Қайд этилишича, "Реал" украиналик футболчини трансферга деярли яқин турганида, қийинчиликлар юзага кела бошлаган. "Зарья" раҳбарияти тендер жараёнини очди ва бошқа нуфузли клублар ҳам қўшилди, аммо якунда Мадридликлар келишувга эришдилар. Нашрнинг хабар беришича, Лунин трансфери суммаси бонуслар билан бирга 10 миллион евродан ошган.
