Арне Слот "Ливерпуль"нинг янги бош мураббийи бўлади.
Инсайдер Фабрицио Романонинг хабар беришича, мерсисайдликлар "Фейеноорд" билан рекорд миқдордаги товон пули борасида келишиб олишган. 45 ёшли мутахассис билан шартнома тафсилотлари ҳам келишиб олинди.
Слот ёзда аввалроқ инглиз клубини тарк этиш қарорини эълон қилган Юрген Клоппнинг ўрнини эгаллайди.
Нидерландиялик мутахассис Роттердам жамоасини 2021 йилдан буён бошқариб келади ва ўтган мавсумда уларни чемпионликка етаклади. "Фейеноорд" ҳозирда ПСВдан 9 очко ортда қолган ҳолда иккинчи ўринда бормоқда.
