Мадриднинг “Реал” клуби ярим ҳимоячиси Арда Гюлер жамоаси учун урган иккинчи голи ҳақида фикр билдирди.
19 ёшли футболчи "Лос-Бланкос" сафида илк бор Ла Лига ўйинида асосий таркибда майдонга тушди. 29-дақиқада туркиялик футболчи "Реал Сосьедад" дарвозасини ишғол қилди ва мадридликларга минимал ҳисобда ғалаба келтирди.
"Реал Мадрид" - дунёдаги энг яхши клуб ва бу ерда гол уриш - энг яхши туйғулардан бири. Мен жамоада ўйнаганимдан жуда хурсандман.
Мен жамоадошларимни табриклайман ва менга шундай имконият бергани учун Карло Анчелоттига раҳмат айтмоқчиман.
Мен нафақат жисмонан, балки руҳий жиҳатдан ҳам ўз устимда ишлайман. Мен сабр-тоқат билан кутаман, ҳар доим яхшиланишга ҳаракат қиламан", - дея Гюлернинг сўзларини келтиради Madrid Zone.
