"Реал Сосьедад" бош мураббийи Иманол Альгуасиль жамоасининг Испания Примерасининг 33-турида "Реал"га қарши ўйиндаги мағлубияти (0:1) ҳақида фикр билдирди.
“Бир томондан, мен футболчиларнинг Европадаги энг яхши формадаги жамоа билан ўйнаганидан хурсандман ва фахрланаман. Менимча, биз бундан ҳам яхшисига лойиқ эдик.
Бу футбол. Охир-оқибат, ҳамма нарса голга боғлиқ. Лекин муҳими жамоа яхши футбол кўрсатаяпти. Биз жуда яхши ўйнадик, "Реал"ни ҳимояда ушлаб турдик", - дея Альгуасиль сўзларини келтирмоқда Marca.
Испания чемпионатининг 33-туридан сўнг “Реал Соседад” 51 очко жамғариб, олтинчи ўринда бормоқда.
