"Антверпен" бош мураббийи Марк ван Боммел "Милан"ни бошқариши мумкин, деб хабар беради SportMediaset нашри.
Клуб турли номзодларни кўриб чиқмоқда, бироқ 47 ёшли голланд айни дамда фаворит деб аталмоқда. Маслаҳатчи Златан Ибраҳимович Антонио Контени танлаган бўлса-да, клубда мутахассис сўрайдиган маош ва трансферлар учун бюджет йўқ.
Ван Боммел 2022 йилнинг ёзидан буён "Антверпен"ни бошқариб келмоқда. Жамоа у билан Чемпионлар лигаси гуруҳида ўйнаган ва Бельгия чемпионатида чемпионлик учун плей-офф гуруҳида 5-ўринни эгаллаб турибди.
Марк 2011 йилдан 2012 йилгача "Милан"да ўйнаган.
Олдинроқ журналист Фабрицио Романо ижтимоий тармоқларда яқин ҳафталарда миланликлар раҳбарияти амалдаги бош мураббий Стефано Пиоли билан ҳамкорликни муддатидан аввал тўхтатиш учун зарур чораларни кўриши ҳақида хабар берганди.
