Жейми Каррагер Дарвин Нуньеснинг "Ливерпул"даги номувофиқ ўйинлари ҳақида гапирди.

Аввалроқ Юрген Клопп шогирдлари АПЛнинг 29-тури доирасидаги ўйинда "Эвертон"га (0:2) мағлуб бўлганди. «Ливерпуль» «Арсенал»дан 3 очко, «Манчестер Сити»дан эса икки очко ортда қолмоқда.

“Нуньеснинг танаффусга қадар қўлдан бой берган имкониятини бу даражада кечириб бўлмайди. Бу, айниқса, "Ливерпуль" чемпионликка даъвогар бўлса, барчага алам қилади.

Нуньес ва клуб ҳозир нима қилиши кераклиги ҳақида гапирадиган бўлсак, илк мавсумлар деб оқлаб бўлмайди. У аллақачон мослашиб кетиши керак эди. 

Жамоадаги икки йилдан сўнг унга қарасам, у жиддий ўсишга қодир эмас деб ўйлайман", - деди "Ливерпул"нинг собиқ ҳимоячиси.