28 апрель куни Ўзбекистон Кубоги 3-тур доирасида “H” гуруҳидан ўрин олган “Андижон” ҳамда “Насаф” жамоалари иштирокидаги учрашув бўлиб ўтишидан хабарингиз бор.

30 март куни ушбу клублар Суперлигада Андижонда куч синашишган ва унда 1:1 ҳисоби қайд этилгани ҳали ёдингиздан кўтарилмаган бўлса керак. Энди улар Кубок баҳсида яна бир бор “Бобур арена”да тўқнашишади.

“Насаф” клуби Ўзбекистон Кубогининг амалдаги соҳиби саналади. Қаршиликлар нафақат амалдаги соҳиби, балки кетма-кет уч йилдан бери Кубокни боши узра баланд кўтариб келишмоқда. Умумий ҳисобда “Насаф” Ўзбекистон Кубогини 4 маротаба ютган.

“Андижон” ҳамда “Насаф” Ўзбекистон Кубогида 6 маротаба учрашишган. Ҳозирча барча ўйинларда қаршиликларнинг қўли баланд келган.

Ўзбекистон Кубоги 2014
3-босқич. Дастлабки учрашув
“Насаф” – “Андижон” – 5:0.
Жавоб учрашуви
“Андижон” – “Насаф” – 1:2.
2016-йил
1\4 финал. Дастлабки учрашув
“Андижон” – “Насаф” – 0:2
Жавоб учрашуви
“Насаф” – “Андижон” – 2:1
2019-йил
1\8 финал
“Насаф” – “Андижон” – 3:0
2020-йил
1\8 финал
“Андижон” – “Насаф” – 0:1 (0:0, қўш.в: 0:1)