Италиянинг "Милан" клуби Англия Премьер-лигаси клуб марказий ҳимоячисига кўз тикди. Sport нашри хабарига кўра, "россонерилар" "Астон Вилла" ҳимоячиси Диего Карлосга қизиқиш билдирмоқда.
"Милан" раҳбарияти бразилиялик футболчининг жароҳат туфайли узоқ муддатдан кейин майдонга қайтиб, ажойиб формага кириб олганидан ҳайратда. Италияликлар ёзги трансфер ойнасида ҳимоячининг трансферини амалга оширишга уриниб кўришади, бироқ "Астон Вилла" бу борада ўз позициясини билдирмади.
Карлос аввалроқ Испанияда "Севилья"да ўйнаган, бироқ 2022 йилнинг ёзида "Астон Вилла"га ўтган. 31 ёшли футболчи Англия Премьер-лигасининг жорий мавсумида 23 та ўйинда майдонга тушди.
