Футбол агенти Жорже Мендеш "ПСЖ" раҳбарияти билан учрашиб, Ламин Ямалнинг эҳтимолий трансферини муҳокама қилди.
Mundo Deportivo нашрининг маълум қилишича, Мендеш парижликларга "кўк-анорранглилар" ўз иқтидорини 200 миллион еврога сотмаслигини аниқ айтган.
"Барселона" келажакда Ламинга умид боғламоқда ва уни сотмоқчи эмас. "ПСЖ" Ямални ёзда "Реал"га ўтадиган Килиан Мбаппе ўрнига ўринбосар сифатида кўраётганди.
Жорий мавсумда ҳужумчи 44 та ўйинда майдонга тушиб, 6 та гол ва 8 та голли узатмага муаллифлик қилган. Унинг шартномаси 2026 йилнинг ёзига қадар мўлжалланган.
