Журналист ва инсайдер Фабрицио Романонинг фикрича, колумбиялик ҳужумчи, "Райо Вальекано" аъзоси Радамель Фалькао келаси ёзда испан жамоасини тарк этади.
Фалькаонинг "Райо Вальекано" билан шартномаси мавсум охирида тугайди ва у узайтирилмайди, 38 ёшли форвард эркин агентга айланади.
Фалькао 2021 йилнинг кузидан бери “Райо Вальекано”га тегишли. Жорий мавсумда футболчи клуб сафида 22 та ўйинда майдонга тушиб, 4 та гол урди ва битта голли узатмани амалга оширди.
У 2011-13 йилларда Мадриднинг "Атлетико" клубида тўп тепган.
