"Ливерпуль" бош мураббийи Юрген Клопп "Вест Хэм"га қарши сафарда 2:2 ҳисобида дуранг ўйнаганидан сўнг фикр билдирди.
"Албатта, мен жуда хафаман. Биз ғалаба қозонишни хоҳладик - тўпни назорат қилдик ва вазиятлар яратдик.
Бу қийин ўйин бўлди, ўн кун ичида тўртинчиси. Ўйлайманки, футболчилар яхши ҳаракат қилишди. Биз кутилмаганда гол ўтказиб юбордик ва қайтишга мажбур бўлдик.
Кўп дақиқаларда яхши бўлдик, аммо якуний босқичда муваффақиятсизликка учрадик. Ҳужумчилар формасизми? Бу билан шуғулланишимиз керак.
Йигитлар бор кучларини беришга ҳаракат қилишди, лекин бу жуда қийин эди. Биз ижобий фикрда бўлишимиз керак”, - деди Клопп ТНТ Sports.
