Англиянинг «Ливерпуль» клуби ҳужумчиси Луис Суарес агар чемпионлар лигасида иштирок этадиган жамоалардан бири таклиф билан чиқса бунга ижобий жавоб бериши мумкинлиги борасида гапириб ўтди.

«Мен «Ливерпуль»да ўзимни жуда бахтиёр ҳис этмоқдаман. Аммо футболда эртага нима бўлишини ҳеч ким билмайди. Агар менга халқаро майдонда мунтазам иштирок этадиган жамоадан таклиф тушса, уларга хуш келибсиз, дейман».

«Менда юқори савиядаги жамоада тўп суриш амбицияси доим бўлган. Ўйлайманки, ҳозир ҳам юқори даражадаги клубда тўп сурмоқдаман. Агар жамоадан кетишни хоҳласам, унда клуб раҳбарлари билан гаплашиб олишим керак бўлади. Ҳозирча эса жамоа билан ютуқларни қўлга киритадиган жамоага айланиш учун ҳаракатни давом эттираман», дея Суареснинг сўзларидан иқтибос келтирмоқда «Echo Liverpool» радиоси.

Эслатиб ўтамиз, футболчини сотиб олиш учун ҳозирда Англиянинг «Манчестер Сити», Италиянинг «Ювентус» ва Германиянинг «Бавария» жамоалари қизиқиш билдиришмоқда.