"Барселона" бош мураббийи Хави ярим ҳимоячи Серхи Робертонинг келажаги борасида ўз фикрларини билдириб ўтди. "Кўк- анорранглилар" сардорининг амалдаги шартномаси июн ойи охиригача амал қилади.
"Мен Серхи Робертонинг қолиб, янги шартнома имзолашини истайман. Энди ҳаммаси унга боғлиқ. Клуб ва футболчи Серхини олиб қолишни хоҳлаётганимни билишади. Мен учун у ҳар доим жамоанинг асосий ўйинчиси бўлиб келган", - деди Хави якшанба куни бўлиб ўтган матбуот анжуманида журналистларга.
2023/2024 йилги мавсумда Серхи Роберто 19 та ўйинда майдонга тушиб, 3 та гол урди ва шериклари учун иккита голли узатмани амалга оширди.
