Шанба оқшомида “Манчестер Сити” сафарда “Ноттингем Форест” устидан 2:0 ҳисобида ғалаба қозониб, ўз мухлисларини хурсанд қилди.

Шу тариқа, Пеп Гвардиола жамоаси чемпионлик учун асосий даъвогар бўлиб қолишда давом этмоқда.

Пеп Гвардиола учун "Ноттингем"даги ўйин унинг Премьер-лигадаги 300-ўйини бўлди. Испаниялик мураббий бир жамоа билан Премьер-лиганинг 300 та ўйинини ўтказган бешинчи мутахассис бўлди.

Аввалроқ бу кўрсаткичга Арсен Венгер («Арсенал» билан 828 ўйин), Алекс Фергюсон («Манчестер Юнайтед» билан 810 ўйин), Дэвид Мойес («Эвертон» билан 427 ўйин) ва Юрген Клопп («Ливерпуль» билан 331 ўйин) эришган эди.