Shanba oqshomida “Manchester Siti” safarda “Nottingem Forest” ustidan 2:0 hisobida g‘alaba qozonib, o‘z muxlislarini xursand qildi.
Shu tariqa, Pep Gvardiola jamoasi chempionlik uchun asosiy da’vogar bo‘lib qolishda davom etmoqda.
Pep Gvardiola uchun "Nottingem"dagi o‘yin uning Premyer-ligadagi 300-o‘yini bo‘ldi. Ispaniyalik murabbiy bir jamoa bilan Premyer-liganing 300 ta o‘yinini o‘tkazgan beshinchi mutaxassis bo‘ldi.
Avvalroq bu ko‘rsatkichga Arsen Venger («Arsenal» bilan 828 o‘yin), Aleks Fergyuson («Manchester Yunayted» bilan 810 o‘yin), Devid Moyes («Everton» bilan 427 o‘yin) va Yurgen Klopp («Liverpul» bilan 331 o‘yin) erishgan edi.
