Англиянинг «Вест Бромвич» клуби ҳужумчиси Ромелу Лукаку терма жамоадаги шериги, «Астон Вилла» ҳужумчиси Кристиан Бентекега кучлирок клубга ўтишни маслаҳат берди.
«Ўйлашимча, Кристиан ўйинини ўстиришни истаса ўзини кучлироқ клубда синаб кўриши керак. Шунингдек бу терма жамоамиз учун ҳам фойдали бўларди. Ўзим ҳам келажакда ҳақиқий жамоамга («Челси» — таҳририят) қайтишни мақсад қилганман. Ҳозирча эса биз иккимиз ҳам жуда муваффақиятли тўп сурмоқдамиз ва бу ишни яна давом эттиришимиз керак», дея Лукакунинг сўзларидан иқтибос келтирмоқда «Sky Sports» нашри.