"Бавария" бош мураббийи Томас Тухель "Челси"ни бошқариб юрган пайтида "Реал"га қарши ўйинларни эслади.
Эслатиб ўтамиз, 2020/21 йилги мавсумда лондонликлар Чемпионлар лигаси ярим финалида “Лос-Бланкос”ни мағлуб этиб, кейин турнир ғолибига айланганди. Орадан бир йил ўтиб, жамоалар чорак финал босқичида тўқнаш келишди, бу ерда "қаймоқранглилар" кучлироқ бўлди.
"Челси"даги фаолиятим давомида "Реал" билан икки марта учрашдик. “ПСЖ” ва Дортмунднинг “Боруссия”сида ишлаганимда ҳам ўзаро тўқнаш келганмиз. "Челси"га қарши ўтган ўйиндан бери энг сезиларли фарқ Карим Бенземани тарк этганида. Ҳозир "Реал"нинг ўйин услуби ўзгарди. Беллингем ўнлик, саккизлик ва ҳатто олтилик позицияларда ҳам ўйнай олади. Яна Винисиус, Кроос, Модрич ва бошқалар ҳали ҳам жамоада”, - деди Тухель матбуот анжуманида.
