Собиқ инглиз футболчиси Гари Невилл "Челси" ҳужумчиси Николас Жексоннинг қобилиятини юқори баҳолади.

22 ёшли ҳужумчи Англияга кўчиб ўтгандан сўнг дебют мавсумида тез-тез танқидларга учради. Шунга қарамай, Невиллнинг фикрича, сенегаллик ишончли ўйин кўрсатади.

"Бу машҳур фикр бўлмаслиги мумкин, лекин менга Жексоннинг ҳаракатлари ёқади. У ҳали ёш, жамоага берадиган нарсаси кўп.

У Премьер-лигадаги биринчи мавсумида жуда кўп гол урди. У биринчи рақамли ҳужумчи эмас эди, лекин менимча, агар уни жамоангизга иккинчи ёки учинчи ҳужумчи сифатида таклиф қилишса, сиз ҳам рози бўлар эдингиз", деди “Манчестер Юнайтед”нинг собиқ ҳимоячиси ўзининг подкастида.