"Бавария" бош мураббийи Томас Тухель "Реал" ярим ҳимоячиси Жуд Беллингемнинг ўйини ҳақида гапирди.
“Мен индивидуал футболчилар ҳақида гапиришни ёқтирмайман, лекин Жуднинг эволюцияси ақл бовар қилмайдиган даражада эди. У ғолиблик характерига эга; унга катта масъулият юки ҳеч қандай таъсир қилмайди. Биз бу ажойиб футболчи эканлигини тан оламиз. Биз уни тўхтатишга ҳаракат қиламиз", - дея Тухель сўзларини келтиради Diario AS.
Жорий мавсумда 20 ёшли Беллингем барча мусобақаларда 36 та ўйинда майдонга тушиб, 21 та гол урди ва 10 та голли узатмани амалга оширди.