"Ливерпуль" ёз учун трансфер режасини тузмоқда. Нуфузли инсайдер Фабрицио Романонинг ижтимоий тармоқларда хабар беришича, Мерсисайд клуби аллақачон ҳимоя марказини кучайтириш учун номзодларни кўриб чиқишни бошлаган - бу "қизиллар" учун устувор позициялардан бири.
Айни дамда “Ливерпуль”да сараланган номзодлар борасида мунозаралар кетмоқда. Мавсум охирида Юрген Клоппнинг ўрнига мураббий бўладиган Арне Слот яқин келажакдаги мунозараларга қўшилади.
“Ливерпуль” навбатдаги ўйинини 5 май, якшанба куни меҳмонда “Тоттенхэм”га қарши ўтказади.
